Апиеса «ИнаԤҳа Кьагәа» апремиеразы Аҿар ртеатр адиректор Еныкь Аслан

"Ҳара иҳаӡбеит ҳрепертуар амҽхак арҭбааразы, иаҳзааигәоу, ҳҭоурых иадҳәалоу аспектакль ақәыргылара. Абаҩхатәра ду змаз, згәырҵҟәыл ганрацәала иаарԥшыз акәашаҩ, адраматург, актиор Мҭы Ақаҩба ипиеса «Инаԥҳа Кьагәа» ианакәзаалак актуалра амазаауеит. Апиеса ишьҭнахуа усҟантәи аԥсуа нхаҩы иԥсҭазаашьа иадҳәалоу азҵаарақәа акыр еилыкканы, имарианы иаарԥшуп. Апиеса афырхаҵа хада - Инаԥҳа Кьагәа- Шарԥыиаҵәеиԥш иҩыҵхахаз, Хәылԥыиаҵәашәа илыҵабаз хаҿсахьоуп".